Homber ciego cu ta masturba publicamente hiba warda di Polis

Diaranzon for di oranan trempan di atardi riba rednan social a mira un video di un homber cu tabata masturba publicamente. E tabata para pafo di e casnan di pueblo na Bushiri. E informacion aki a plama rapidamente. Mas den oranan laat di atardi Polis a wordo manda na e adres na Bushiri.

Tabata wordo menciona cu tin un homber di edad ta masturba dilanti di mucha. Polis di Playa a yega y a scucha kiko a pasa. Nan tambe parce a mira e video. A purba haya e homber pa papia cune pero e tabata sera den cas. Finalmente a logra yega den contacto cune. A papia cune. E homber a resulta di ta un hende cu tin problema cu bista. E ta ciego totalmente parce. Asina mes Polisnan a dicidi di bay cune warda. No ta conoci si el a keda deteni. Na warda Polis lo bay atende mas leu riba su comportacion den publico. Nan a grabe y e prueba ta di diaranzon atardi mes prome cu Polis a bay despues di haya e yamada. E bisiñanan tabata basta rabia. E video ta mustra claramente con e ta mishi cu su parti intimo prome varios biaha y despues a hinca man den carson saca su parti intimo y masturba.