Diasabra, algo pasa di 11’or y 20 di anochi, patruya di Noord, haciendo control na Palm Beach, a nota un homber benta abao, banda di Pica’s Corner. Ora cu polis a bay wak kico por a pasa cu e cabayero aki, a bin resulta cu e homber tabata bao di influencia di alcohol. Ora cu polis a bay atende cun’e, el a bira fresco y a coba polis su mama. Di biaha polis a atende cun’e y a detene. A manda pidi dogcatcher pa asina transporta e homber burachi aki pa warda di Shaba, pa asina e por saca su wayaba.
