Na San Nicolas den Missisipi Straat habitantenan a yama Brandweer pa asina informa riba un situacion cu tin nan molestia. Den e sistema di riolering den e caya menciona, tin un holor inmenso di gasolin. Esaki hasta tabata sali den e baño di e casnan den cercania di CITGO Esso Ville.
Segun habitante, ta un problema cu varios biaha nan ta haya nan mes cune. Nan ta pensa cu gasolin lo ta basha na Citgo Essoville y esaki ta bayendo den e riolering treciendo un holor insoportabel den baño di e casnan den cercania di e pompstation.
Brandweer a presenta y a tuma datos y lo pase pa DOW cu lo bin averigua kico ta pasando. Ta spera cu bin na un solucion pasobra den e casnan por a sinti e presencia di e holor di gasolin.
