Hoben di 16 aña ta enfrenta acusacion di intento di asesinato

4910
CMB – Mobile Banking Nobo
RBC Mortage
E Hefe DMAX
E-Seminar 550×110

Diadomingo anochi, net despues cu a caba di kima e “Momo” riba Harbour Arena, net banda di Coney Island, un homber a yega eynan na sanger bisando cu nan a hinke den garganta cu un sker. Mesora a start un investigacion y a resulta cu e sospechoso tabata den Belgiestraat mes na altura di oficina di FCCA. Ey amigonan di e victima a maltrat’e y Polis a detene mesora. E victima a bay cu ambulance pa Hospital pa ricibi tratamento medico.

E victima den ambulance, prome cu a sali cune pa ricibi tratamento medico na Hospital.
E-Seminar 300×250

Investigacion a cuminsa for di na e sitio mes y a sali afo cu e sospechoso ta Junior Gross miho conoci pa su amigonan como “Coco” di apenas 16 aña di edad. E victima tin 22 aña di edad. Kico ta a motibo cu a conduci na e hincamento ainda no ta mucho bon conoci.

E arma blanco uza durante e pelea tabata un sker.

E pareha di e sospechoso, cu tambe tabata eybou cune ora cu a detene, despues a bira malo y a transport’e cu ambulance pa Hospital. Bale la pena resalta cu e hobencita ey tin apenas 14 aña di edad y tabata meti den e ora di anochi ey na e pelea cu su “guy”.

Potret di e victima den Spoedeisende Hulp na Hospital, mustrando e corta cu el a haya net bou su cachete!

Polis awor ta haciendo un investigacion pero hecho ta cu e hoben di apenas 16 aña di edad awor ta sinta cu un acusacion criminal pisa riba su cabes, di intento di asesinato. Ta depende con Fiscal di Ministerio Publico ta mira peso di e caso, cu e lo dicidi di laga e hoben den libertad debi na su edad hoben of e por opta pa persigui’e numa como adulto, specialmente si su “strafkaart” ta yen caba.

Comments

comments

Dragon Fly
Aruba Bank Mega Smart Car Purchase