Hendenan cu protesis no ta forma peliger pa saca mammogram

341
E Hefe DMAX
RBC Mortage
CMB Instant Deals 6%
24 ora App

Tumando un mammogram, por nota hendenan cu protesis. Tin un porcentahe di e poblacion na Aruba cu tin protesis. Esey no ta forma un problema, ni un peliger pa saca un mammogram. E ta bon si pa bo anuncia esey ora cu bin haci un mammogram. Ya pa e no ta un sospresa ora cu e prome potret wordo saca, pero e ora ey cu nan por tene cuenta cu esey. Esey no ta un estorbo pa saca e potret. No mester ta un estorbo pa ningun hende muhe bin tampoco pa haci nan mammogram. Si mira problema ocasiona door di e protesisnan. Un biaha dr. Williams a yega di nota un protesis cu tabata kibra. A manda e informacion ey den e carta cu ta bay pa e dokter di cas. En todo caso pa nan sa cu a wak e problema. Bo no por wak riba un potret si ta algo cu a pasa recientemente of algo cu a pasa hopi tempo caba. Protesis riba dje no ta un estorbo pa e potret.

24ora Gana Cel

Segun dr. Vanessa Williams, e no lo conseha ni desconseha cualkier hende tocante un protesis. Si e ta kere cu si ta pensa di pone un protesis, bo mester informa bo mes bon cerca bo dokternan, cerca e ciruhanonan, pasobra un protesis of cualkier otro operacion estetico ta un operacion cu tin su risiconan. Ta keda na cada hende pa evalua cuanto risico nan kier tuma y si nan informa nan mes bon, nan por tuma un decision bon .

Causa principal di cancer na pecho
Segun dr. Williams, e pregunta cu nan tabata anhela pa tin contesta riba dje, ta kico ta e causa principal di cancer na pecho. No sa esey ainda. Si a sali afo, diferente tendencia cu ta ripara cu cierto cosnan ta bin hopi biaha cerca hendenan cu haya cancer na pecho of juist cu no a haya cancer na pecho. Cierto di e tendencianan ey si a wordo describi. Por ehempel e edad riba cual hende muhe ta haya su prome yiu. Un edad mas halto ta parce di ta duna menos proteccion contra cancer na pecho. E hecho si bo duna lechi di pecho, ta parce di ta dunabo un poco proteccion. E ta protehabo un poco contra cancer na pecho. E edad cu bo a haya bo menstruacion pa prome biaha. Asina ey tin diferente tendencianan cu a ripara cu por tin of no tin relacion cu cancer na pecho. Un di nan cu tambe ta hopi importante y na pueblo di Aruba tambe ta hopi importante, no solamente pa cancer na pecho, pero cancer por lo general, ta e estilo di bida. E modo cu nos ta come. Loke cu nos ta come. Esey tin influencia grandi riba cancer en general, tambe cancer na pecho. Tin bo atencion pa con nos curpa ta hinca den otro. Nos peso, sobrepeso tambe ta algo cu ta un riesgo. Pero no pa cancer na pecho so. E calidad di nos cuminda, loke nos ta hinca den nos curpa, nos ta responsabel pa cuida nos curpa na un forma debido. Esey ta nifica cu no solamente pafo, e estetica, pero tambe loke ta hinca den dje. Loke bo ta hinca den dje, ta loke cu ta bay saca afo tambe.

Comments

comments

Amerijet
Dragon Fly
Juju Events