E aña aki Guardian Group Fatum a celebra su di 6 edicion di My Guardian Group Walk & Run. Un diadomingo mainta tempran na unda cu bo por sinti un ambiente di competencia y passion pa e deporte entre e participantenan.
E evento a inicia na momento cu Managing Director Sra. Barbara Pochettino, di Guardian Group Fatum Aruba a los a tiro di salida di e 10km Run y e 6km Run/Walk. E participantenan a experiencia 2 ruta nobo pa motibo cu e rutanan di custumber ta den construccion y mester bisa cu e ruta a cai hopi na smaak. Na finish tur corredo a disfruta di Bebida gaterade di Romar Trading y koffie y te di Smit & Dorlas, y un dushi sopi prepara pa Divi Resorts/Alhambra Ballroom pa e participanten hidrata nan mes. Fruta pa energia y Nature’s Discount tabata presente cu splicacion y conseho di vitamina y suplementonan natural pa mantene un bon estado di salud.
Guardian Group Fatum a entrega 3 check di Awg. 3000.00 na 3 diferente instancia cu ta traha incansabel pa nos comunidad ariba tereno Social: Funari, St. Algemene Bejaardenzorg Aruba (SABA) y Stichting Wit Gele Kruis. Cada un di e instancianan a keda sumamente agradecido pa ricibi e donacion aki y asina yuda algun projecto cu tin prioridad.
E ganadonan absoluto masculino y femenino 6 KM ta Kirah Regales y J-Rick Maduro y E ganadonan absoluto masculino y femenino 10KM ta Jethro St. Fleur y Inge van Bergen, kende ta e overall winner femenino di My Guardian Group walk Bonaire 2018, Inge a gana e premio pa bin participa na Aruba.
Resultadonan ta ariba fb di Guardian Group https://results.sporthive.
Premionan pa ganadonan absoluto masculino y femenino 6km:
• Ticket Curaçao, incluyendo registracion pa My Guardian Group Walk & Run dia 28 di Oktober 2018.
Premionan pa ganadonan absoluto masculino y femenino 10km:
• Ticket Curaçao, incluyendo acomodacion pa 2 anochi y registracion pa My Group Walk & Run dia 28 di Oktober 2018.
Guardian Group Fatum ta gradici inmensamente tur persona y tur e instancianan cu a contribui pa por a realisa e di 6 exitoso Walk & Run na Aruba. Principalmente departamento di trafico di KPA, ALBO Aruba, Rode Kruis, Motor Unit, Ibisa y Aruba Triathlon Association pa saca y guia e carreda pa tur participante. Sportz4U, White Sharks baseball Team, Animal Rights Aruba y colleganan voluntario di Guardian Group cu a zorg pa e 4 waterposten y e team di registracion di Guardian Group. Danki pa boso aporte valioso cu a haci e evento aki un bes mas exitoso! SAVE THE DATE 9 di juni 2019.
