Grace Koolman a bira Staatssecretaris?

Minister Presidente mr. Evelyn Wever-Croes awe a anuncia cu Grace Koolman, kende ta fungiendo como Secretario di Conseho di Minister a bira “Staatssecretaris”. Por lo menos asina e prome mandatario di nos pais a publica riba SU pagina di Facebook awenochi.

No ta conoci si ta Prome Minister Wever mes ta maneha su Facebook of e tin cualkier coordinador haciendo esaki den su nomber. Hecho ta cu esun cu a haci e “blunder” aki no conoce “Staatsinrichting” di nos pais, pasobra contrario na Hulanda y hasta Corsou, nos na Aruba no conoce e funcion di Secretario di Estado.

Esaki ta di dos BLUNDER den un dia cu Prome Minister of su PR Team ta haci riba un solo dia. Mas trempan tambe nan a anuncia e bishita priva y den vakantie di SAR Prins Constantijn y su casa SAR Prinses Laurentien cu a haci un bishita di cortesia na dje y na Gobernador. A menciona cu Prinses Laurentien a bin bishita MinPres lubidando cu e meneer banda di dje ta e Prins, yiu mas chikito di SAR Prinses Beatrix y ruman di Rey Willem-Alexander.

Ta mas cu obvio cu Prome Minister Wever a hinca su pagina di Facebook den man di persona of personanan cu no conoce Aruba, no conoce nos leynan y obviamente….no conoce Famia Real tampoco. No por kita afor cu esaki ta un BERGUENSA pa Facebook di Minister Presidente y di henter Gabinete Wever-Croes.