E asunto di aumento di salario minimo, na momento cu Minister Glenbert Croes a los e informacion aki, el a trece basta reaccion. Hasta diferente grupo a cuminsa tene reunion, etc. No mucho pro e pensamento. Vooral cu un aumento drastico.
Minister Croes a splica cu loke p’e ta un bon noticia, cu tur hende na e momento aki a cuminsa reuni riba dje. No obstante kisas e diferente posicionnan cu por tin pa loke ta e intension di e aumento di salario minimo.
E cos cu e minister ta haya positivo ta e hecho cu tur hende ta papiando di dje. Mas importante cu esey, tur hende ta papiando tambe di e necesidad cu loke e salario minimo ta awor aki, e no por keda asina. Pa e simpel hecho cu e costo di bida na Aruba ta haltisimo y un trahado cu 1711 florin, no ta alcansa pa biba. P’esey mes, ora cu a reuni cu DAO, a pidi pa formalmente, reactiva e comision tri-partite, unda cu Gobierno, comercio y trahadonan, den un setting oficial, conforme procedura, pasobra esaki ta un procedura cu mester bay SER tambe. No ta un procedura cortico. E ta un procedura cu ta bay dura. E meta ta pa den e proximo seis lunanan, wak con hopi ta yega na otro. E meta di e minister ta pa set the tone, defini un vision di un ciudadano, cu ta traha na e momentonan aki, cu un salario minimo, cu ta den pobresa, cu ta den hamber. Ora cu por ehempel ayera a ricibi den conseho di minister un presentacion di SDG (Sustainable Development Goals) y e prome punto pa atende den cuadro di SDG, pero tambe di e gobierno, ta caba cu pobresa. Caba cu hamber. Pero con ta bay haci’e? Cu palabra, of cu hecho.
Pesey mes e minister ta considera e hecho cu e gremionan a cuminsa reuni y por ta ta contra e vision di gobierno. Ta nan pleno derecho, pero ta importante pa nan sa cu como gobierno.
Minister Croes tin dos pechi. Minister di asuntonan social, mester deal cu e tema di pobresa y crisis social.
Como minister di labor, tin cu defende e bienestar di trahado. Y awor aki cu 1711 florin, un trahado no por biba.
Con por yega lo mas cu por na un entendimento entre gobierno, comercio y sindicato, pa bay trece un mehora, pasobra e reto lo ta, con bo ta bay trece un mehora salarial, pa trahado sin cu e ta bay tin un impacto riba e costo di bida.
