A decreta cu Aruba ta den un crisis social nacional y cu mester bin cu un plan di emergencia. Durante su bishita na Gobernador , Minister di asuntonan social y di labor, Glenbert Croes, a comenta cu el a pone gobernador na altura di e siguiente pasonan cu nan lo bay tuma pa e crisis social nacional aki. El a splica durante un entrevista, despues cu el a sali for di su audiencia cu a aproba e plannan aki y awor aki e ta tarea ta pa tur minister, den un forma interministerial, sigura pa tur e plannan wordo ehecuta.

 

Critica

Algun dia pasa tabata tin un conferencia di prensa, despues cu minister a caba di reuni cu e gruponan cu ta traha den diferente area social, e tabata en bibo riba Facebook etc. Pero e criticanan tabata hopi dirigi riba tur e departamentonan cu mester atende cu esaki. Ta como sifuera cu nan a bin pa hustifica nan maneho, cuestionando situacionnan, etc. Hopi hende a atacanan pa un maneho cu probablemente nan no ta di acuerdo cun’e. Tabata tin critica riba nan maneho.

Minister Croes a pidi tur e departamentonan di Gobierno y tur instancia pa basha abao. Bisa e cos manera e ta segun nan opinion. E tabata kier pa nan divulga, papia e berdad, pasobra esaki tabata e momento pa bisa otro unda ta para riba e tema aki pasobra mester bay actua. Y e ta contento cu nan a hacie. Facil pa un Gobierno cuminsa tira culpa. Lo ta un eror grandi pa como gobierno nobo tira culpa riba sectornan social.

E mandatario a sigui splica cu kico por a pasa den pasado, laga nos realisa cu solamente si actua hunto, cu un gobierno cu por stuur energia cu un presion positivo riba henter e sector social, por logra resultadonan. No tin tempo pa sinta tira culpa riba ningun hende. Mester logra resultadonan pa nos pueblo. E crisis social tin probablemente un mucha ta wordo maltata, abusa di un forma of otro, of un famia of hende grandi ta wordo maltrata, abusa of neglisha na un forma of otro. Na un pediatra por ta tin un mucha ta wordo afecta. Por a tende dr. Rafael-Croes bisa, cu probablemente door di incest. Nos ta den un problema hopi grandi, unda cu existencia moral di nos pais y pueblo ta na peliger y tin un deber di actua awo. No por warda pa despues.

Loke a pasa, pa con dolor cu e ta, no por cambia awor aki. Pero loke si por haci ta impedi pa loke a pasa bolbe ripiti y esey ta e punto di salida.

Den cuadro di un di e decisionnan cu a tuma, Bureau Sostenemi ta bay keda hunga e rol central pa ta e Centrale Meldpunt cu meldcode, cu meldplicht. Pero e mester wordo sosteni, apoya door di Directie Sociale Zaken pa tur loke ta bin como responsabilidad, door di ta e centro central pa meld abusonan.