Glen Thode: E proceso di votacion tabata confiabel

Por a tende masha hopi cos di urna, etc. Glen Thode, como presidente di Conseho Electoral, a splica cu di nan banda, a bishita diferente di e stembureaunan, pasobra tabata haya señal, hopi hende tabata yama, tambe a ricibi señalnan via social media, cu cosnan tabata bay structuralmente robez den cierto urnanan. Entre otro e onbruikbaar verklaring di algun voto. Ora cu a bay na e luganan mes, a ripara cu tur e señalnan cu tabata ricibi, tabata exageracion. Esey miembronan di Electorale Raad cu tabata hunto cu Thode, na final di dia a conclui cu hopi hende tabata exita naturalmente. Pero for di nan perspectivo ta wak cu por ta si den nan mente e cosnan tabata parce di e forma cu nan tabata expres’e. Pero for di trankilidad y conociendo e reglanan bon, e structura y regla pa vota bon, por a wak cu basicamente tur e preocupacionnan cu tabata tin, no tabata tin base y tabata forma exageracionnan.Thode a expresa cu e proceso a bay bon, confiabel. Na final di dia tambe, si por a mira bon, ora cu e presidentenan di e urnanan a trece nan verslag aden, casi no tabata tin keho na final di dia despues a conta tur cos. A laga wak precies con e votonan tabata, cual tabata valido, cual invalido.

Aki y aya, por ta un of dos mencion di algun caso, ta pakico, tabata tin remarcanan for di e checkernan of publico. A tuma nota di nan, pero tin un confiansa masha grandi riba e resultado y e stembureaunan, presidente y miembronan a aplica e regla y normanan hopi bon diabierna. Thode tin tremendo confiansa den e resultado y e integridad di e sistema.

 

No tabata tin observadornan internacional

Segun Thode, e biaha aki nos tabata tin observadornan nacional so, cu por a wak e proceso. No tabata tin ningun observador internacional. No a mira tampoco cu lo tabata tin necesidad di esey pasobra tin confiansa den e sistema y tin confiansa tambe cu e hendenan presente na e stembureaunan mes ta observa hopi bon y ta hopi critico pa wak si tin algo iregular ta tuma lugar.

 

Tarea

Cuater siman despues cu fiha e resultado final, e momento eynan pa ley, tres miembro di Conseho Electoral, nan funcion ta termina, y e ora e presidente y e vice presidente si ta keda den e Electorale Raad ainda, basicamente si tin na caminda hende ta sali for di Parlamento y mester asigna aiento na cua ta e persona tin derecho a base di e resultado di e eleccion di diabierna, cual nan tin derecho di asumi un asiento den parlamento. Esey ta keda e tarea toch te na proximo eleccion.

 

Reconteo

Diabierna, basicamente tabata tin hopi hende ta observa e proceso. Aki aya esey a causa tambe retraso den e proceso, pasobra a puntra e ora, dicon cierto Urna a tarda y hasta polis cu mester a bay. Akinan emocionnan di e momento por tabata halto, mirando e resultado, hende no ta wak cosnan cu claridad y ta cuminsa exigi cosnan cu no ta rasonabel mas tampoco pa e urnanan, strobando e proceso di votacion. Tin biaha tin cu pidi polis pa trece ordo na e situacion, di manera cu e stembureau por haci su trabao bon. Si mira na final di dia, tabata tin den tur stembureau, tabata tin hende ta wak esaki. No tabata tin ningun di protesta e momento ey di e hendenan cu tabata mira, pa bisa cu nan no lo tin confiansa den e conteo di e resultado. Si un hende bisa esaki despues di e ora stipula, ta pensa e ora kico e base ta di esey, prome cu duna cualkier comentario riba dje.