Awe 17 di mei 2018 mundu ta para ketu riba e malesa hypertenshon i kon ta bai atendé ku e malesa aki ku ta kousa hopi otro malesanan manera esun di kurason, atake selebral I problema di nir etc.
Mirando e sifranan haltu di persona ku tin hypertenshon aki na Kòrsou (21%) i aportando na un mihó Kòrsou mi ta aserka Minister di GMN Sra.Camelia Römer pa konhuntamente ku e maneho pa redusí konsumo di suku tambe inkluí e redukshon di salu. Resientemente nos a mira paisnan México i tambe Argentina ku tambe tin sifranan haltu bou di nan poblashon pa loke ta trata hypertenshon a tuma akshon pa kombatí esaki.Nan a inisiá kampañanan i leinan ku ta prohibí salu riba mesanan di restorant i establesimentu nan di kome. Esaki konhuntamente ku dòkternan ku mester tin e tarea di splika tur nan pashèntnan e problemanan ku salu por trese kuné pa nan salú.Tambe na tur establesimentu un splikashon di problema ku salu por trese na pa nan salú ,ku tur hende por lesa. Ménos salu, mas salu mester yuda nos baha e sifranan haltu di e malesa di hypertenshon I otro malesanan ku ta kompaña esaki i ala es yuda baha gastu den Salubridat.
