GevMin Guilfred Besaril: Glenn Lin ta bira director di Arubahuis

Directie di Arubahuis no por keda sin direccion. E no por keda sin un director. Den e periodo aki cu ta bay reorganisa, e intencion ta pa gabinete cuminsa funciona na Hulanda como mas manera un embahada y menos manera un organisacion administrativo.

Pa por stap di e parti administrativo, mucho mas pa e parti di embahada y den cuadro di e reorganisacion aki cu ta bay emprende y cu ta cuminsa na Februari proximo, ya tabata tin combersacion cu DRH pa asina aki cuminsa emprende tur e trabaonan cu tin cu bay wordo eherce pa e reorganisacion aki. Den e periodo aki di transicion, a apunta un director ad interim, kende ta sr. Glenn Lin. Un hurista, kende a traha hopi aña den departamento di aviacion. Un hurista kende a termina su estudio algun aña atras, huridico cum laude. Un persona hopi serio, un persona cu Besaril conoce desde cu e ta hoben. Un persona kende e sa sigur sigur cu ora cu e bira su lomba, e tin su lomba, e ta para banda di dje y cu lo sa di eherce e trabao cu e mesun dinamismo cu e minister ta eherce. Un persona cu e por cumbaya y por cana sali bay trankil for di e portanan di Arubahuis, pasobra e sa cu e ta lag’e den man di un hende responsabel.