Mario Accetta ta doño di e Interpark, pero e ta doño di mas parke na nivel mundial. El a comenta cu ta existi un preocupacion. Nan ta bendiendo adrenalina. Toren ta bende adrenalina, e booster ta bende adrenalina. Ta normal cu un hende no kier drenta, pasobra nan tin miedo. Ta existi un preocupacion y esey ta duna mas conciencia cu e siguridad den e parke ta prioridad. Awendia por a bib’e akinan y na otro isla, caminda cu por a sinti e preocupacion, a rais di redo. Tambe ta berdad cu por sosode algo y e minister, hopi respetuoso, no ta normal y no ta facil pa tin e funcion eynan. Ni tampoco ta facil pa ta e persona pa firma e OK pa e parke. E minister mester tin cuidao cu hende cu ta acudi e parke, pa nan yega sigur nan cas. Accetta ta duna e minister hopi rason pa ta preocupa pa e pueblo di Aruba y pa nada no pasa den e parke y pa tur e atraccionnan ta sigur. Pero si e tin cu confia den e departamentonan concerni, manera DTI y polis. Nan ta e departamentonan ta esun cu ta wowo di e minister y cu por bisa cu nada no ta pasa y nada no a pasa. Cu tur cos ta trankilo. Ta un di e cosnan cu Accetta a menciona.
Encuanto Facebook, esaki a bira un herment cu ya nan ta custuma. E ta algo cu por cargabo of por lagabo cay. Accetta a lesa tur comentario riba Facebook. Otro comentario cu el a lesa cu ta hero bieu a bin for di Venezuela, etc. Accetta a menciona cu e compania aki ta un di esnan mas moderno di Sur America. Tin algun aparato cu no ta existi na Sur America y cu ta na Aruba. Tin hende a puntra dicon a bin cu un parke asina grandi cu Aruba ta asina chikito. Esaki ta pa motibo cu nan ta brinda lo miho. Ta mescos cu nan a bin cu Disney Aruba.
Medionan di comunicacion
Poco medio comunicacion a bin pidi un splicacion di e incidente. Accetta a menciona cu tur loke nan ta bin haci ta repost loke ta sali di un redo riba Facebook. Tin medionan di comunicacion cu a bisa loke no ta asina. Nan a sigui redo di Facebook y esey no mester haci esey. E reporteronan mester bin wak y check. Si ta berdad, pa sak’e y si ta mentira, desmenti esey.
Por ultimo
Bin Interpark. E parke ta sigur. E poblacion mester sa e diferencia entre un accidente y incidente y loke normalmente ta pasa den e operacion di e parke. Accetta a lesa comentarionan manera cu e wiel a para. Ta normal cu un wiel ta para, pasobra e ta un aparato. Loke no ta normal ta cu wiel ta saca hende. Eynan ta otro cos. Pero ta normal cu un auto ta paga, y no sa kico a pasa. E aparatonan aki den nan totalidad, DTI sa di nan, cu tur e atraccionnan ta computarisa. Y ta dificil pa tin fayo humano. Nan por faya si. Loke por pasa ta cu e stoel bulado ta subi, un sensor ta bisa cu e ta keinta, of etc. E sensor ta manda un señal pa e computer para. Si e operador no ripara, algo por pasa. Loke e operador ta haci, ta pasa e sistema di automatico pa manual. E ta revisa e computer, e ta receta e computer, e ta haci e sistema limpi, ta revisa e faya y despues e ekipo ta sigui. Esey ta loke Interpark no ta inventa. Tur parke rond mundo, e aparatonan ta haci mesun cos. Esaki ta sosode den un operador diario di un parke di diversion.
Invitacion
Henter Aruba sinembargo ta keda invita pa bin bishita e parke y ta spera cu por run te cu final. Si tur cos bay bon, for di awo te cu April, e parke ta habri. Si tin cualkier cos cu mester sa, acerca Steve Hudson of Mario Accetta. Nan a bin Aruba pa ofrece e comunidad e Coney Island mas grandi cu Aruba a haya y cu e merece. E por ta negoshi, pero ta duna Aruba intersante, algo bunita, algo cu bal la pena bin cu famia. Di tur e cosnan cua pasa e tres dianan aki, toch ta na su luga pa gradici tanto minister Andin Bikker, como minister Otmar Oduber, cu a lo menos nan a compronde locual cu a bin ta splica atrabes di media, di kico ta locual cu a sosode y con profundo ta sinti e hecho cu hopi hende ta papia hopi cos sin cu a haya espacio pa defende nan punto di bista. E punto di bista cu tin cu defende ta algo masha simpel: Nada no a pasa! Nada otro cu a pasa cu un mucha a slip y dal su atras. Ta gradici tur hende cu por a conseha e ministernan, cu awe a duna e Green Light pa por habri e parke di nobo. Ta spera cu e Green Light aki ta uno cu por bay te na e recta final.
