Minister Bikker no lo move Gerald Vingal tampoco

795
24 ora App
RBC Mortage
CMB Instant Deals 6%
E Hefe DMAX

No obstante cu a ordena Departamento di Recursonan Humano di Gobierno pa prepara un “Management Team” pa Cuerpo Policial Aruba, DIMAS y IASA, toch awor un pa un Minister mr. Andin Bikker ta halando atras for di e maneho di su mesun Ministerio. Manera cu nos a informa caba den forma di primicia, tanto na DIMAS como na IASA a benta e idea pa un Management Team riba mesa, mientras cu na Polis e mesun Alto Comisario a bisa di lo kier un otro reto.

24ora Gana Cel

E siman aki Minister Bikker ya caba a hala atras di e idea na DIMAS y awe el a haci mesun cos pa IASA. Esaki banda di e hecho cu e empleadonan di ambos departamento a lanta contra e idea di persecucion aki. Na Polis tambe e situacion ta tenso, awor cu politicamente kier nombra un Alto Comisario sin pasa un proceso di reclutamento transparente. Den ambos caso, Minister Bikker a para tur e procesonan cu “otronan” a inicia den su Ministerio. E ta realisando awor cu no tur hende eyden tin e mesun vision cune.


Recientemente Minister Bikker a haya henter un recorido di aeropuerto y eynan a bishita IASA y a topa cu Gerald Vingal. Ey e mandatario a haya un miho bista di tur loke cu ta andando bon y tur loke cu
ainda falta pa perfecciona. Vingal a duna tur splicacion hunto cu gran parti
di e team di IASA pa asina por amplia e conocemento di minister riba e tereno
aki.

E combersacion nan a bai hopi bon, unda cu a trese dilanti diferente punto, cu
ta di elogia, y pa cual tin un bon funcionamento di e departamento di IASA.
Tambe a toca e punto nan menos bon cu lo haya su debido atencion.

Minister Bikker tin riba su programa pa bishita haf di Barcadera otro siman pa e
haja un splicacion di e trabao di Migracion pa loke ta haf.

Den un comunicado emiti pa e mesun Minister Bikker, el a bisa cu Gerald Vingal ta sigui gosa di e elogio tanto local como
internacional pa e forma profesional y eficiente di henter e servicio na
migracion. Cu esaki tambe mester informa cu muy pronto IASA lo ta anunciando
proyecto nan y sistema nan inovativo y moderno pa e comunidad di Aruba.

Minister Andin Bikker como tal lo continua cu e maneho y cu e vision di Ex Minister Sevinger y Dowers riba maneho di stranheria y admision.

Comments

comments

Amerijet
Juju Events
Dragon Fly