Island Finance tabata tin un campaña durante Carnaval 2018, caminda cu nan a bin entrega premio na e ganadornan diabierna mainta. Segun Yvi Simon, Country Manager Island Finance Aruba, nan tambe a contribui na Carnaval 64, por medio di decoramento di trailernan durante e paradanan di Carnaval na Playa.
E prome premio tabata 1000 florin, cual a bay pa Famia de Kort. Glendelin de Kort a ricibi e premio. Nan tabata tin un tent full decora cu cortina. Nan tabata tin blaas, henter famia tabata tin bisti cu T-shirt. Hasta nan a traha un bunita mapa di Aruba traha, mencionando e spotnan caminda cu Island ta localisa. Tin 4 oficina na Aruba y nan a decora tur cuater luga unda cu Island Finance ta ubica. Ora cu e comision a pasa, e famia a uni y hasta nan a canta cantica, mencionando “Island Finance, bo por conta cu nos.” Esaki a bira e premio ganado pa famia De Kort.
E di dos premio, cual a bay pa Jimmy Tromp y su famia. Por a mira un creatividad bunita den decoracion di nan Tshirt. E damanan tabata tin e tshirtnan sumamente bunita decora den tur manera. Mainta tempran por a mira hasta un di e tentnan, unda cu tur angulo den e tent, por a mira borchi, cu e logo di Island Finance, bo por conta cu nos. Famia Jimmy Tromp, ta e di dos ganado di 750 florin.
Famia Willems a bay cu e di tres premio. Famia Willems a cuminsa decora di diasabra anochi prome cu parada di carnaval. Hasta nan a horta blaas di famianan cu tabata tin fiesta e dia anochi. Mainta tempran por a mira tambe e creatividad cu nan tabata tin riba full e tent. E famia tabata tur bisti cu tshirt di island Finance. Nan a decora e tent hopi bunita cu blaas y material. Y a gana e premio di 500 florin.
A haci entrega e premio na e ganadonan y Island Finance ta sumamente contento y pa otro aña lo sigui aporta na Carnaval di Aruba, specialmente Carnaval 65.
