Tamara Waldron ta Marketing & Public Relations Manager di Aruba Bank y a conta un tiki riba Good4theNeighborhood. E biaha aki Aruba Bank a bin cu un otro focus. El a comenta cu G4N ta focus riba building entrepeneurs. Nan a logra haci’e den un temporada mas cortico, mas enfoca den e temporada caminda cu e muchanan tin vakantie y nan por duna mas atencion na e programa. Den e 3 simannan aki e muchanan ta bay siña riba Business, con pa traha business plan y diferente aspecto cu ta necesario con pa lanta un negoshi. El a resulta di ta hopi positivo. A mira e meerwaarde den dje y ta cosnan cu e muchanan no ta bay lubida nunca.
Meta
E meta pa e aña aki tabata pa atrae dobbel di e cantidad di muchanan cu nan tabata tin aña pasa. A logra e meta aki y tambe a invita diferente comerciante local pa bin duna charla riba diferente aspecto, manera entre otro Customer Service y Merchandising.
Reaccion
E reaccion ta asina positivo. E muchanan ta entusiasma. Tin un grupo di mucha cu por bisa cu ya nan bende na producto 60% den prebenta.
E cantidad
Tin 40 mucha cu a inscribi. 8 ekipo, cada un di 5 mucha. Diasabra awo, di 10’or di mainta pa 3’or di atardi nan lo ta den caya grandi riba e parkeerplaats di La Linda, unda cu ta bay tin popup stands y nan lo bay bende nan producto.
Productonan na benta
E idea ta pa siña e muchanan for di comienso con pa traha nan business plan, aplica pa un prestamo y na final nan lo haci presentacion di nan producto. E ekipo ganador lo wordo anuncia diasabra awo, pa 4’or den caya grandi.
Motibo di cambio
A mira cu e interes tabata hopi mas grandi entre e muchanan pa ta mas individualista. Bo ta tende ultimamente hopi hende ta papia riba millenials. Esaki naturalmente ta un generacion un tiki mas hoben cu millenials, pero ta muchanan cu ta enfoca mas riba ta individual. Den e cuadro eynan Aruba Bank a adapta e esfuersonan pa hoben cu tabata tin tur aña, pa focus mas riba e individuo y duna nan e oportunidad pa bira comerciantenan den futuro, segun Waldron.
E lista di hoben ta hopi mas cu aña pasa.
Diasabra
Diasabra awo e muchanan lo tey pa presenta nan producto den nan popup stand riba e parkinglot di La Linda. Aruba Bank ta invita tur mayor y personanan cu ta bay haci nan shopping pa Back to School pa e aña escolar nobo, pa pasa ya cu na cierto tiendanan cu mas di 35 florin bay ariba, nan ta haya un coupon, caminda cu nan ta deposita na Aruba Bank den un tombola y ta haya chens pa haya 250 florin na e tienda di nan escogencia.
Monitor
E muchanan lo wordo monitorea pa nan wordo guia. Nan ta eigenlijk representando Aruba Bank su programa G4N e dia aki y nan tin e oportunidad entre 10 pa 3 pa demostra loke nan a crea durante di e tres simannan aki y pa 4’or lo saca e ganador.
Uniforma
Ta keda na e ekiponan kico nan ta haci. Waldron ta premira cu si nan lo ta uniforma. Cada uno cu logo di e compania cu nan a establece. E team di Aruba Bank lo tey pa welcome tur hende y tambe pa tuma e couponnan pa deposita den tombola pa saca e premio di e bishitantenan. Ta invita pueblo di Aruba pa atende e dia aki. Duna apoyo na nos hobennan cu ta e futuro di mañan.
Sigui cu e tema
Awor aki ta evaluando. E experiencia aki ta uno positivo, pa ta prome biaha y ta kere cu e tin hopi balor pa banco, pero tambe pa comunidad en general, Waldron a splica por ultimo.
