Fuse Box na candela den Casa del Mar

Diadomingo anochi alarma a wordo bati na Casa del Mar. A drenta informacion cu e hotel ta na candela. Varios unidad di Polis di Strand Politie y tambe Di Noord a presenta na e Hotel. Bomberonan tambe a yega cu e prome unidad.

Alarma di Candela na Cas del Mar

Posted by 24ora on Sunday, August 12, 2018

E alarma di candela tabata den diningroom na di dos piso. A cuminsa mesora cu evacuacion. A resulta cu un fusebox tabata na candela pero a controla esaki na tempo. E area rond di hotel a wordo evacua.

A kita e coriente. Elmar su personal a wordo avisa pa presenta na e sitio. Finalmente e daño tabata limita. E instancianana reacciona rapidamente y den e hotel tambe nan a actua mesora pa evita lo peor. Poco susto pero tur hende tabata ok.