FUNDASHON ALTON PAAS ta hopi kontentu i agradesido ku e promé fase di e
Curacao Inclusion Project i ku mayoria hotel i restaurantnan miembro di CHATA a habri nan
establesimentu pa por hasi e audit riba asesibilidat.
Un total di 71 luga a partisipá den e audit pa por a haña un bista di tur e luganan ku ta asesibel. E kos great ta ku diferente doño di establesimentonan tin interes pa ta asesibel. Pues e parti di konsientisashon ta keda relevante i speshalmente dor ku nunka no tabatin un standard di kiko ta hasi un luga asesibel. Kada luga a hasi algu pero no ta tur ta kumpli ku e spesifikashonnan nesesario. Bo por haña un establesimento ta pone un parkeerplaats pero no na e midi korekto òf tin entrada ku subida pa e persona por drenta un restaurant pero no tin espasio pa e por sinta ku su ròlstul na mesa. Pesei komo fundashon nos ta kontentu ku e inisiativa aki por a start e kombersashon pa nos tur por kuminsa ku e pasonan pa bira mas asesibel. Komo parti di e audit nos lo rekonose e establesimentunan ku di nan propio inisitaiva a hasi nan luga asesibel ku e rekonosementu di hotel, restaurant i empresario mas asesibel. Apesar ku no tin empresario bou di miembronan di Chata ku personanan den ròlstul den servisio, nos NO ke eskluí empresarionan ku si a tuma un persona den ròlstul ful den servisio. Pesei den e di dos fase di e proyekto nos ke envolvi komunidat kompletu den e kombersashon dor di duna komunidat e oportunidat pa vota pa e empresario mas asesibel. E votashon lo keda organisa online i lo start dia 28 di Augustus pa 7 di september.
For di e audit siguiente hotel i resturantnan a keda nomina pa rekonosementu kual ta Dolphin Suites, Sta Barbara Beach & Golf Resort, Avila Beach Hotel, Medi Restaurant, Nautilus Restaurant i Belle Terrace Restaurant. E di 3 fase di e proyekto ta e klousura di e oudit ku rekonosementu di e hotel, restuarant i empresario mas asesibel dia 8 di sèptèmber 2017 na Sta Barbara Beach & Golf Resort. E programa di klourura ta varia pa duna un toke spesial na e totalidat ku videonan spesial produsí relashona ku asesibilidat, persona den ròlstul i deklamashon. Tambe lo tin un show di benefisio na enkargo di Randal Corsen huntu ku su orkesta. Fundashon tin pakete di karchi spesial pa kompanianan ku ke sostene e inisiativa di asesibilidat i inklushon. Por tuma kontakto ku Fundashon Alton Paas na 5100087 of via email [email protected] pa kompra di karchi. Por haña karchi tambe via di CHATA.
Nos ta hopi entusiasma ku e desaroyo aki ku lo hasi e kambio nesesario ya ku tin un ekspreshon di un motivado Jay Shetty ku ta bisa si bo ke konose un kultura skucha su historia pero si bo ke kambia un kultura kambia e historia. Esei nos ta logrando danki na tur esnan ku a kere den e kousa i a para su tras.
