E noticia unda un hoben, aparentemente bao di influencia di un ke otro substancia, a yama atencion di varios usuario, entre otro e conocido activista, Zoe Konijn. Riba su pagina di Facebook, el a expresa su disgusto pa e acto aki y a lamenta cu nos tin tipo di monsternan cu ta cana entre nos, haciendo algo asina, door di a purba mata un cacho.
Algo realmente a bay fout aki. Si esaki por haci’e cu un cacho, por a haci’e cu un mucha tambr, el a enfatisa.
Luna Caring Team/Luna Foundation 501c3, hunto cu Crijojo Trappers Aruba a tuma encargo di e cachonan, mirando cu tin dos cacho den wega aki. Segun Konijn, e otro cacho tambe ta herida den e incidente aki. E cachonan a keda atras, una bes cu Polisnan a detene e hoben. “Bisiñanan lo mira pa nan”, ta loke Polis a bisa ora cu Konijn a yama. Si no a yega cerca e puppy aki, e no lo a logra. E tabatin mester di ayudo di un veterinario.
Ambos cacho awo ta na Animal Care Clinic Aruba. Konijn: “Nos mester percura pa nos animalnan. Mi ta gradicido cu e bisiñanan a yama Polis”.
Awor ta pidi yudanda di comunidad, pa aporta na Luna Foundation pa asina nan por brinda e cachonan cuido y bida cu nan merece. Tur donacion ta bon bini.
https://www.paypal.me/LunaFoundation
Arubank account: 60.04.94.01.90 (Stichting Luna Foundation) Animal Care Clinic: Luna pups
