Djabièrne último miembronan di frakshon di MAN a hasi un bishita di trabou na CAP (Aeropuerto Hato). E parlamentarionan a haña un bista di e desaroyonan ku tin rondó di nos aeropuerto Hato. Durante e bishita frakshon a haña hopi informashon balioso i por a interkambiá ku gerente señor Blanchard riba e plannan pa futuro pa loke ta trata aeropuerto, turismo i e ròl krusial ku CAP tin pa yuda atraé mas turista pa nos isla. Tambe frakshon di MAN a hasi un rekorido amplio i haña un bista di e trabounan di ekspanshon i remodelashon di e edifisionan ku ta tumando lugá. Tur kos ta planiá pa na final di aña 2018 e trabouanan ta kla. Kaminda pueblo di Kòrsou lo bai sinti e diferensia den servisio i tin akseso na tur e fasilidatnan ku aeropuerto Hato ta bai tin den futuro serkano.
