Filosofia di desaroyo duradero ta mas un herment pa compronde

107
CMB – Mobile Banking Nobo
RBC Mortage
E Hefe DMAX
E-Seminar 550×110

Tres aña pasa siguiendo e liñanan di Nacionnan Uni Instituto Pedagogico Arubano (IPA)
a introduci e concepto Educacion  Duradero  pa prome biaha na Aruba.

E-Seminar 300×250

Antes Nacionnan Uni tawata  enfoca riba un desaroyo  dirigi  riba  nos futuro generacionnan, e desaroyo cu nos tin awe mester ta mescos. Den e cuadro aki  nos a duna nos studiantenan les riba desaroyo sostenibel na unda nos a operacionalisa esaki den 4 P (People, Planet, Profit y Participatory governance). E teoria aki nos a traduci pa nos maestronan den un didactica pa Educacion Sostenibel. Basicamente nos studiantenan por reconoce kico un di e P-nan ta den practica y despues por splica y siña e alumnonan con pa mir’e. Un ehempel di Educacion Duradero ta manera cu nos a yega di mira varios maestro na diferente scol ta planta mata pa mustra e alumnonan cu asina nos ta contribui na yuda nos planeta p’asina tur hende por hala rosea trankilamente sin cu mester di guli polucion y nos planeta lo keda preserva pa nos sigiuente generacionnan.

Tambe nos maestronan alabes a siña nos alumnonan, cu si nos planta mata di fruta of berdura riba nos planeta, nos mes ta haya cuminda pa nos come y e ora lo no mester importa berdura y fruta. Di e manera aki nos cartera ta keda cu un tiki mas placa aden. Tambe tin maestro cu a mustra  nos  alumnonan e importancia di energia alternativo den por ehempel e materianan di: biologia, fisica y geografia. Asina ki pa futuro nos por scapa un tiki placa y ta susha nos planeta menos, locual ta bon pa nos futuro generacionnan.

Conclusion di Nacionnan Uni, 2015
Nos desaroyo duradero tawata enfoca riba futuro generacionnan y tawata mucho dirigi riba
crecemento economico (profit) den relacion cu  medio ambiente (planet) lubidando riba e
otro dos pilarnan di e filosofia esta: People y Participatory Governance. Door di no a tene
cuenta cu e balance entre tur e 4 perspectivanan economico, social, medioambiente y ‘good
governance’ nos a cera conoci cu otro problema. Awendia nos ta biba den un mundo cu
problema social grandi manera pobresa, aumento di divorcio, desigualdad social,
discriminacion, guera entre nacionnan , terorismo, problema di genero, ilegalidad y un
aumento di corupcion tur caminda y entre otro den nos sector publico y politico.
Switch di filosofia di desaroyo duradero pa un concepto compleho y holistico dirigi riba
perspectiva economico, social, medio ambiente y ‘good governance’.

Pa motibo di desaroyo no-holistico, nos enfoke anterior tawata mas den direccion di un of dos perspectiva. Sinembargo, Nacionnan Uni kier haci un cambio na 2030 pa loke ta trata
trahamento den forma holistico dirigi riba e perspectivanan economico, social, medio
ambiente y ‘good governance’. Pues cu e cambio aki e concepto di desaroyo duradero ta mas
un herment pa compronde nos mundo di awendia miho y alabes e ta un metodo pa soluciona
nos problemanan global. Con Nacionnan Uni kier pa nos bay den e direccion aki ta mediante
di introduccion di e 17 SDG-nan pa wak si henter mundo na aña 2030 por logra prosperidad y
un bida decente pa tur hende y e problemanan actual lo por mengua. Asina e ora nos tur por
haya un mundo cu nos kier.

Comments

comments

Dragon Fly
Aruba Bank Mega Smart Car Purchase