Ariba dia 20 y 21 di januari lo tuma lugar e prome Feria di anja 2018 na Centro Deportivo Betico Croes. Pa prome biaha despues di hopi aña lo wanta un competencia di cabay na un lugar completamente diferente. Danki na ASU e Feria Betico Croes lo wordo organisa ariba e tereno patras di e sporthal.
Diasabra lo tin competencia di cabay y principiante cuminsando pa 5or di atardi y diadomingo lo tin competencia di jinete y amazona pa 3or di atardi. Lo tin bar y cushina pa e publico, ademas musica di DJ Alvin. Juez pa e feria lo ta sr. Henry Beltran di Colombia. OCA ta jama danki na ASU, Santa Rosa, Yara Contractors, DOW y tambe e caballistanan pa hasi e evento aki posibel. Entrada ta gratis y ta invita e pueblo di Santa Cruz pa bin siña mas di e deporte di cabay.
