FBI a adverti institucionnan financiero cu un grupo di criminal informatico lo ta planeando un gran atake riba escala global riba mashinnan di ATM.
E advertencia ya tabata andando for di diabierna, 10 di Augustus, segun Krebs On Security, un blog popular di cibersiguridad, dirigi pa e periodista Brian Krebs.
Segun e informe di Krebs, e atacantenan lo uza un malware pa accede riba e rednan di e ATMnan y obtene e informacion di carchi di e clientenan.
Di e manera aki, nan lo por hack tanto den un institucion financiero como e propio procesador di carchinan di banco pa despues clonenan y efectua un robo miyonario den poco ora.
Segun FBI, prome cu ehecuta e retiro na e mashinnan automatico, e cibercriminalnan tambe lo por elimina algun di e controlann di fraude di e institucionnan financiero, manera e montonan maximo di retiro di mashinnan di ATM y cualkier limite den e cantida di transaccionnan diario.
Advertencia na Colombia
Di acuerdo cu e corant “El Tiempo”, na Colombia a wordo recomenda e usuarionan tuma medidanan di precaucion na ora di realisa su transaccionnan bancario.
Jaime Rincon, director di Gestion Operativo y Siguridad di Asobancria, a bisa cu “ta importante cu (e usuarionan) revisa cu e cahanan no tin ningun obheto straño y cu ta usa e mecanismonan manera e mensahenan di texto pa informa nan mes respecto e transaccionnan.”
Respecto na e operacionnan online, Rincon ta conseha no habri linknan riba email di remitenenan desconoci, evita comparti datonan personal y revisa e websitenan si nan ta sigur.
Un vocero di FBI a bisa CNN cu “como apoyo na e aliansanan publico-priva, FBI habitualmente ta conseha industria priva riba varios indicador di menasa cibernetivo observa durante e curso di nos investigacionnan.”
