Diahuebs mainta trafico tabata mal pega riba L.G. Smith Boulevard. Net riba brug dilanti Renaissance Marina Hotel un accidente chikito a sosode cu a laga un retraso grandi den schedule di varios automobilista.
Truck di e compania di cargo Fast Delivery pa un motibo of otro a dal para y chauffeur no a logra brake na tempo. Segun testigonan e trekker a bay dilanti sin brake na tempo, dal den un pickup cu a bay dal tras di un PriusC. No tabatin herido y daño material tabata bastante limita. Polis mester a guia trafico pero asina e fila di auto tabata basta largo. Compania di seguro a presenta na e sitio y Polis di Trafico tambe. Hopi automobilista a pasa banda di e accidente cu cara hopi amargo pa e retraso cu Fast a ocaciona.
