Famoso pianista Lenard Lesley Bebrout a fayece na Hulanda

208
Send a Tip 24 Whatsapp
RBC Mortage
CMB Biba 100
Download nos App
Hyundai i10

Lenard Lesley Bebrout, mihor conoci como Lesley tabata un gran persona y un tremendo pianista y componista. Lesley a nace na Aruba y a lanta na San Nicolas.

BAV.. WHAT!? Offer – Ecosport Escape
Rockstar Energy Drink Campaign
Wings Day na Tabu

Ela bandona Aruba hopi jong pa trata di desaroya su talento na Hulanda. Trinta aña pasa Lesley tabata miembro di e famoso banda RAIS na Hulanda cu tabata toca un variacion di musica Caribense, salsa merengue etc. Lesley a compaña hasta un tempo e famoso cantante Oscar de Leon.

Lesley a sigi desoroya su talento artistico musical, na unda e la wordo acerca pa toca den reaggea band REALITY. E banda aki a coy fama international na unda Lesley a haya e oportunidad di biaha na diferente parti di mundo. Den e delaster 17 añanan Lesley tabata toca den e banda DIAMONDS REAL aki  na Hulanda. E banda ta distingui su mes den e variacion di tur ritmo combina.

Aruba por ta orguyoso di mira cu Lesley Bebrout a haya e oportunidad di demostra su talento internationalmente y asina tambe fungi como embahador musical pa pais Aruba. Te na final ela sigi cu su pasion musical y pesey e ultimo cinco añanan e tabata toca pa banda SUNSHINE reggae na Hulanda.

Minister Plenipotenciario Guillfred Besaril y personal di Arubahuis di e manera aki kier a extende un palabra di condolencia na rumannan, famianan y amigonan di Lesley, tanto na Europa como na Aruba. Cu Lenard Lesley Bebrout sosega na paz.

Comments

comments

Dragon Fly
Feel The New Rush Test Drive