Fiscal di Ministerio Publico a hasi uso di loke ley ta permiti nan di pidi Huez Commisario orden pa alarga detencion di Sr. Paul Croes cu 60 dia mas. Tur esaki usando como argumento cu ta pa ‘bienestar’ di e investigacion.
Mientras tanto a hasi un inval riba su cas, ta tarda cinco luna pa su detencion y awor ta opta pa tene pa dos luna mas. Abogado di Sr Croes lo bay den apelacion di e verlenging aki, pasobra no ta mira e motibo urgente pa alarga esaki. Pa su total asombro y indignacion e ta haya e caso aki algo nunca bisto den historia di husticia aki na Aruba. No tin vrees pa e huy y mas aun a warda 5 luna pa interoge, pues ta imcomprendibel e modus operandus di OM.
Tin indicacion serio y ta crea un impresion fuerte cu nan ta abusando di nan poder o sea malusando loke ley ta permitinan di trapa riba derecho di e sernan humano a base di nan fishing expedition y nan agenda politico.
Un scenario hopi peligroso
Esaki ta un situacion basta peligroso den nos comunidad na e aña 2017, cu a base di suposicion, redo, hinca palabra den boca di hende cu supuesto pruebanan ta purba show nan poder. Esaki ta un atropeyo total y un inhusticia na nomber di husticia con e hendenan aki ta actuando, asina observadornan husticiero ta indica. E cos aki ta hole stinki.
Un cos por bisa cu e abuso aki no por ni lo dura pa semper y esun cu hasi su mes culpabel di abusa, fabrika cosnan pa acusa hende falsamente lo mester responde un dia dilanti mesa berde y di huesnan imparcial.
