Manera ya ta e tradicion, e prome caminata grandi despues di Carnaval ta esun organisa pa SV RCA. E aña aki e fecha ta diadomingo, dia 4 di Maart. Salida ta 6:30 di mainta y yegada ta bek na RCA Arena.
Na e ocasion aki tur participante lo ricibi un medaya, ya manera custumber tambe un bunita dry-fit shirt, fruta fresco, refreshment y servicio di e team profesional na e massage station. Ambiente manera semper den man di MC Roberto G. High Performance y DJ’s.
Inscripcion ta habri dia 1 di Februari na Ibisa y e contribucion ta solamente 25 florin. Mark’e den bo calender pa bo no keda afo di e grandioso caminata tricolor, ya cu espacio ta limita. E shirt ta un bunita Royal Blue y lo tin diferente premio como doorprice, cahanan di Powerade, dinner for two na Old Fisherman, snackplatter di On The Rocks Cafè, dinner for two na Seasalt, Tony Roma’s y mucho mas.
