Siman pasa pa ta exacto 12 y 13 di Juli SIA ( Soccer Instituut Aruba) hunto cu FC San Nicolas a duna 2 dia di un trainingskamp na Joe Laveist Sportpark cual porcierto a resulta den un trainingskamp super exitoso.
Idea tras di esaki ta pa stimula e deporte di futbol pariba di brug brindando e muchanan un bunita oportunidad den vakantie. Lokual a resalta ta e cantidad di muchanan entre 6 y 16 aña cu a acudi. Un total di 96 mucha a inscribi y hunto cu e coachesnan di FC San Nicolas tanto e muchanan pero tambe e coachesnan a ricibi un training fenomenal. Di Soccer Instituut Aruba tabata tey Victor Donata esun cu ta carga e proyecto aki hunto cu Melissa Donata, Saskia Jansen, Nadino Antonia, Patrick Dwarkasing, Marco Portier, Marcus Portier, Geoland Pantophlet. Di parti di FC San Nicolas e sigiuente coachnan a participa Mayron Manuela, Mahalia Manuela, Frederick Brown, Leerock de Kort, Josefina Albertus, John Martilla, Randy Thode y Ronaldo Arrindell.
Mester felicita tur cu a duna hopi di nan parti. No por laga afor e motornan tras di esaki esta directiva di FC San Nicolaas cu su presidente Xiomara Abath Ras, secretaria Angelique Wout y tesorero Lieshaira Quant pero alaves tur demas miembronan di directiva y mayornan cu a brinda nan contrubicion. Aki por mira un programa sosteni door di Minister di deporte den combinacion cu companianan priva cual a duna un bunita resultado. Tanto Marriot Hotel cu a percura pa tur e tshirtsnan pa tur participante, Cavalier Logistics, Adju Upholstery, Digicel cu a regala tur participante un bala di futbol,VNO, Caribbean Sports Fundation, VTON. Sponsersnan di FC San Nicolas kendenan tambe a aporta Eco Destination como nan main sponser, The Pitstop, Kiwanis Palm Beach y Funmiles.
Hunto a logra realisa e programa aki unda mester bisa un trainingskemp hopi proficional hinka den otro. Tanto e atletanan pero coach di FC San Nicolas a ricibi un tremendo entrenamento porcierto hopi alegre pero riba un nivel unico. Diabierna anochi a otorga diferente gruponan di diferente edad un bunita medaya como recuerdo. Alaves tur participante a ricibi un certificado. Sigur esaki ta aporta na un manera unico pa brinda nos muchanan e oportunidad pa practica un deporte. Pabien ta bay na SIA, AVB, FC San Nicolas, mayornan y tur cu di un of otro manera a duna nan aporte.
