Stichting Rancho – E proyecto TPC a lansa na aña 2015 unda hoben Keyla Rojas, studiante di
Universidad di Aruba y dos facilitator di Cananda a inincia e prome workshop di fotografia, cu meta
pa cambia e perspectiva di habitantenan di e bario di Rancho.
Cu ayudo di CEDE Aruba Tempo pa Click a sigi na aña 2016 unda mas participantenan a join e bunita
proyecto aki. Awor ta e di tres biaha cu e proyecto a wordo ehecuta. E tema di e aña aki ta
“Bunitesa”. E diferencia di e ultimo añanan ta cu participantenan di otro barionan di Aruba a
participa den e proyecto. Mucha, hoben y adulto di diferente edad a completa dos siman di
workshop den vakantie grandi y awor lo finalisa cu e gran exposicion. Den e exposicion lo mira con e
perspectiva di e bario di Rancho a cambia den e bista di e participantenan. E elemento “Arte” ta
refleha e potret cu ta wordo exponi.
Bo ta keda cordialmente invita pa asisti na e exposicion Bo ta keda cordialmente invita pa asisti na e
exposicion “Bunitesa” di e participantenan di Tempo pa Click 2017. E meta di e proyecto TPC ta pa
busca bunitesa usando fotografia, poesia y arte como exprecion.di e participantenan TPC. Bini un bini
tur dia 27 di augustus na Flor de Oriente y conoce nos partipantenan, fotografia, arte y poesia den e
exposicion di Tempo pa Click 2017. E exposicion lo habri official pa 4.30 di atardi. Pa 4or di atardi lo
habri evento POETRY IS A ISLAND di Basha foundacion.
