Den e dianan aki, discusion a bira ken tin parada diadomingo awo, pa loke ta parada di auto, un parada prome cu eleccion. Tin di compronde cu MEP lo bay corte. Evelyn Wever-Croes, lider di MEP, a splica cu tin hopi preocupacion den seno di AVP ken ta core parada diadomingo awo, 17 di September. AVP mester ta mas preocupa pa core e parada di victoria dia 24 di September.
E parada di dia 17 di september, a haci un peticion dia 4 di Januari y a haya ayera un afwijzing di Cuerpo Policial den cual ta informa cu Mike Eman himself a dicidi cu e parada ta bay pa AVP y punto. Sin ningun splicacion mas. Un carta sumamente dictatorial y esey ta bay corte cun’e. Awor ta wardando pa corte apunta un fecha pa trat’e. Den e peticion MEP a pidi corte pa vernietig, esta distrui e decision di minister pa nenga MEP e permiso y pa ainda duna e permiso.
Wever-Croes a tende cu AVP a haya sa cu nan a haya e permiso casa, pero no a wak’e. Ta interesante pa sa ki dia nan a haci e peticion pa e permiso mes. Ta cosnan cu lo bin dilanti den corte.
Pa MEP ta importante asina aki. Ta bezig den un campaña electoral. Un campaña electoral ta un campaña caminda cu tin cu trece bo vision y bo mensahe. E unico señalnan ta manda ta cu no kier corupcion pero no kier tampoco violacion di regla. Ban haci’e na un manera netjes y respetando ley y respentando regla. MEP ta canando e caminda cu tin cu cana pa yega corte y ta warda ora cu corte dicidi kico lo bay wordo haci.
Reunion
Dia 2 di Augustus tabata tin un reunion caminda cu sr. Manolo Giel, kende tabata representa Mep den reunionnan cu polis, unda cu e mes a acepta cu Mep ta cla pa core su parada dia 16 di September. Wever-Croes a tende un entrevista cu Marlon Sneek, pasobra el a trompica aki. Loke el a bisa ta cu dia 2 di Augustus tabata tin un reunion caminda cu alto mando a anuncia cu ta AVP a core parada. Manolo Giel a bin den seno di MEP y ora cu a bise cu kier’e por escrito, el a bay bek. El a bisa polis cu kier’e por escrito pasobra kier bay corte. Den un siguiente reunion polis a bin bek y a bisa cu mirando cu MEP kier bay corte, ta cambia e posicion y ta bay tira lot. Marlon Sneek a bay di acuerdo cu tiramento di lot. Esey tabata e decision dos siman despues di e reunion. A keda warda e lot tuma luga. Ora cu e lot no a tuma luga siman pasa, apesar cu e fecha a wordo stipula, tur a haya invitacion pa bay trekmento di lot, ultimo momento, cinco minuut prome e ta wordo cancela. E ora Wever-Croes a pone presion y a bisa cu awor si kier’e por escrito pasobra ta bay corte. Den Marlon Sneek su declaracion, el a bisa cu Manolo Giel a bisa cu tur cos ta cla dia 16. E bandanan ta cla caba. No tabata tin nada cu banda dia 16. Dia 16 ta un dia cu partido POR tin un lighting parade cu banda. Dia 20 AVP tin un lighting parade cu banda. Ta AVP y POR so ta haci lighting parade den campaña electoral cu banda. MEP no tin nada cu banda. Nan parada ta parada di auto. Kico Marlon Sneek e tabata kiermen. Por a ripara cu sea cu ta bruha, gaña of no pone atencion. E discusion di banda tabata riba e ciere di campaña di dia 19 y dia 20. Polis a bisa na prome instante cu e ciere ta dia 19. Den e reunion polis a bin bisa cu nan ta bay cambi’e pa dia 20. E ora Manolo Giel a bisa, cu nan tin nan bandanan regla caba pa dia 19 pa ciere di campaña, pero por check cu nan si por hal’e dia 20. E no tin nada di haber cu parada, sino ciere di campaña. Den Parlamento tambe semper ta riba su telefon e ta hunga, no ta let op, no ta pone atencion. E hecho ta y tin’e riba papel y a entrege na corte, ora cu polis a anuncia unilateralmente cu ta AVP ta bay core, dia 2 di Augustus, a bay bek y bisa pa pone riba papel, pa bay corte. Ora cu a bin pa pone riba papel, nan a dicidi pa pone pa bay lot. Tur hende sa di dje. El a sali den tur medio di comunicacion y AVP a bay di acuerdo cu trekmento di lot. Ora cu e momento di trek lot ta yegando, el a wordo cancela, pasobra Mike Eman a duna opdracht pa cancele, pasobra e no ta di acuerdo cu lot. Aunke cu Marlon Sneek a bay di acuerdo, e no. Por mira den e proceso, varios caminda cu sr. Eman a actua hopi dictatorial y esey no ta bon den e comunidad aki. Awor ta den man di corte. Tur esakinan ta riba papel poni tambe. Grabacion tambe cu su bruhamento of gañamento y ta warda kico hues ta dicidi.
