Den publicacio historico aki, sr. Dufi Kock ta enfoka riba e rol interesante y importante cu e bario y area di Canashito a hunga den historia di Aruba.
E escritor ta cuminsa describi e historia di Canashito for di tempo Pre-ceramico te awendia. Na final e escritor ta expresa su preocupacion pa su observacionnan con Canashito ta awor caminda a coba masha hopi mes y a destrui un parti di Aruba su paisahe bunita. E publicacion ta contene diferente potret, tambe di pinturanan den e cuebanan, casnan di antes y e paisahe.
Sr. Adolf ‘Dufi’ Kock, a wordo nomina como prome baluarte ‘Savanetero’ pa su bario di Savaneta, como historiador y escritor poco dia pasa. Diseño grafico di portada ta di artista visual Elvis Tromp. E publicacion aki ta bay pa Coleccion Nacional na Dept. Arubiana.
