E hobennan Erwin Hudges y Neythan Oseana ta bek den libertad den e caso di investigacion di tiramento riba un polis. E dos hobennan aki kende a keda deteni den e caso aki, a wordo laga den libertad. Polis a bay na Savaneta 528 y Brazil 90, y a haci detencion di e hobennan aki. Despues di esey a haci un listramento na e casnan aki, sin cu a logra haya arma. Nan a keda deteni ya prolonga nan detencion. Durante investigacion Fiscal no por a confirma cu e dos personanan aki ta esnan cu a tira e polis. Nan no tin nada di haber. A base di declaracion di testigonan y esnan cu tabata hunto cu nan, ta mustra cu nan no ta envolvi den caso di ladronicia, ni tiramento riba e agente policial, Curiel. Neythan Oseana y Erwin Hudges, ta bek den libertad. Diabierna atardi esaki a sosode y a bandona warda di polis di San Nicolas.
