Entrante dia 20 di september 2018 a nombra Dr. mr. E.J. “Erwin” Arkenbout como e Representante di Hulanda na Aruba. Actualmente e ta Director “Rechtsbestel” na e Ministerio di Husticia y Siguridad na Hulanda, pero ta bon conoci cu e parti Caribense di Reino Hulandes.
Desde aña 2012 te 2017 Arkenbout tabata Director di Koninkrijksrelaties na e Directorado general di Bestuur en Koninkrijksrelaties van het Ministerie van BZK. Entre aña 2002 pa 2004 el a traha como hurista na Kabinet Gezaghebber van Sint Maarten. Mester menciona cu den su ultimo funcion e tabatin hopi di haber cu organisacion di yudansa na Islanan ariba, relaciona cu e daño cu Horcan Irma a ocasiona.
Arkenbout a studia ley y a promove na Katholieke Universiteit Nijmegen, unda el a inicia su carera como docente universitario na aña 1985. El a ocupa mas funcion den su carera, manera director di Bestuursrechtspraak bij de Raad van State, hoofd di e sector Staats- en bestuursrecht na directiva di Wetgeving van het Ministerie van Justitie y abogado na NautaDutilh na Amsterdam.
Como Representante di Hulanda na Aruba, Corsou y Sint Maarten, e lo tuma e funcion over for di Henk Brons, cu desde 1 di juli ultimo ta nombra como Director General di Koninkrijksrelaties na BZK.
