Entrada hudisial ku dos detenshon

Djárason 20 di yüni 2018, den oranan di mainta, personal di Divishon di Krímen Organisá a
tene un entrada hudisial na un kas den área di Santa Catharina.

E entrada hudisial ta en konekshon ku trafikashon di droga i arma.
Durante di e investigashon na e kas ariba menshoná, e personal di e Divishon a haña un
laboratorio kaminda e habitantenan ta kultiva mariwana.
Na e kas a konfiská entre otro:
 un kantidat di mas o menos 371 mata di mariwana;
 atributo pa prosesa droga;
 kantidat di jerrycan;
 plaka efektivo ( Euro, florin Antiano i dollar);
 algun telefon selular.
En konekshon ku esaki a detené dos (2) persona na e sitio:
 e hòmber J.J.B 35 aña di edat, nasé na Hulanda i
 un dama N.S. 32 aña di edat nasé na Korsòu.

A presentá tur dos sospechoso dilanti un fiskal ouksiliar ku a ordená nan enkarselamentu
pendiente di mas investigashon. Tambe a konstatá ku tabatin hòrtamentu di koriente na e adrès ariba menshoná. E investigashon den e kaso aki ta sigui.