Enseñanza ta vehiculo importante pa bay padilanti den bida

Den e reunion publico encuanto presupuesto 2018 diabierna a trata e ministerio di Enseñanza, Infrastructura y Sector Primario.

Por lo general tanto miembronan di Parlamento como ministernan a dirigi nan mes na ex-gobernantenan como sifuera nan ta gobierno ainda.

Mervin Wyatt-Ras a haci diferente pregunta, en especial riba tereno di enseñanza. Wyatt-Ras ta considera enseñanza como un vehiculo importante pa bai dilanti den bida. Enseñanza ta haci posibel desaroyo personal, intelectual, psicologico, social y economico. Maestronan ta importante den bida di un mucha. Nan por haci hopi diferencia den bida di un mucha. Mayornan tambe ta di importancia pa asina loke logra na scol ta ser transmiti y tin continuacion na cas. Tin cu traha hunto.

Den e mundo moderno aki nos muchanan ta hopi riba tablet y celular. Na scol ta importante pa stimula esaki y ta necesario introduco medionan digital den enseñanza. DI e forma aki tambe preparando ariba un e-commerce.

Wyatt-Ras a haci pregunta encuanto Scol multilengual, interne zorgstructuren manera MDC. El a puntra unda e diferente profesionalnan a wordo coloca. Tambe a puntra tocante e aansluiting di hobennan riba beroepen onderwijs. Si tin medionan pa e leerwerktraject y amplacion di oferta na trayectonan di siña, obligacion pa cualificacion envez di obligacion di ense±anza,. Wyatt-Ras a trece padilanti cu tin cu prepara nos hobennan pa haya trabou. Aki e ta referi na esnan cu ta studia enfermeria cu mester prepara nan di tal forma cu nan por traha na hospital of traha den nos centronan di grandinan.

E parlamentario a puntra con ta bayendo cu e proyecto di “niet zittenblijvers” den prome y di dos klas di scolnan publico. Ta puntra si e proyectonan lo sigui. Kico lo para di klassenassistenten en comparacion cu onderwijsassistenen y si lo cuminsa cu un estudio di onderwijsassistent. A puntra alabes encuanto integracion di IPA den Universidad di Aruba y ki congresonan lo ser organisa den 2018. Tambe e parlamentario a puntra e minister di enseñanza si lo coopera cu minister di Salud pa loke ta trata e comision cu lo lanta pa atende cu Cannabis. Otro pregunta cu a ser haci ta pa loke ta trata e Academy of Fine Arts lo ser integra den Enseñanza Avanza of un otro entidad. Tambe a puntra con ta para cu plannan van de Green faculty? Ademas tambe a puntra encuanto situacion di naschoolse opvang Nos Atardi y Traimerdia pa hobennan. Tin medionan financiero pa ampliacion di e proyecto? Ademas si tin medionan financiero pa Traimerdia? Wyatt-Ras a puntra ki dia scolnan lo haya airco den klas.Tambe ki dia tur skol lo haya computer den klas?