E conocido Enid Tromp-Delle, naci dia 11 di november 1973, pues di 43 aña di edad, biba na Seneblar, casa cu Polis Jairo Tromp, y cu dos yiu homber Jairo y Jair, a fayece awe diadomingo den forma inespera na Colombia. E tabatin algun dia caba eynan, pa tratamento medico despues di un derame celebral aki na Aruba.
Amigonan y famia riba rednan social a lamenta su fayecimento awe. E ta un conoci como un persona cu asina tanto bida, semper alegre, semper hariendo y semper cla pa yuda unda cu e por. Pa hopi aña e tabata haci huña y tabata conoci den mundo di casino.
Amigonan di dje a conta cu di un forma inespera un ader a rementa den su cabes cu a causa un “lekkage”. Esey a haci cu el a bay den coma y tabata interna den ICU na Aruba pa algun dia. Na dado momento su condicion a mehora, pa cual Dokternan a opta pa mande Colombia pa operacion, pa purba saca e likido. A haci dos operacion, cu amigonan a cataloga cu a bay bon.
Pero desde ayera diasabra, na un forma abrupto, su condicion a cuminsa bay atras y organonan a stop di funciona. A opta pa trece Aruba bek, pero su condicion no a duna ni pa esey y awe diadomingo el a fayece.
Na su famia y amigonan, ta bay nos palabranan di condolencia y cu Enid sosega na paz.
