Na Caribbean Beton tambe tin un preocupacion. Nan ta casi 20 trahado cu ta den un incertidumbre awor aki y pendiente pa un sentencia.
Jose Martis ta un di e empleadonan y a vocifera kico ta pasando entre e empleadonan. Tin un incertidumbre door cu locual cu a laga nan sa cu no mester di un hindervergunning. Pesey e compania a bay na e luga unda cu nan ta opera, pa asina midi decibell.
Caribbean Beton no ta kibra piedra ni coba santo. E planta ta procesa beton y ta bashe directamente den e truck y no ta lanta stof.
Segun Martis, hefenan a wanta e trahadonan. Di loke e tin di compronde verbalmente, a bin bisa e trahadonan cu, teniendo nan mes na e reglanan di ley, nan ta stop di biaha. Loke cu tin di compronde ainda, cu no tin nada por escrito cu a manda pa nan. Pero pa cumpli cu regla y ley, nan a para di biaha. Esey ta haci cu nan pan ta na peliger. Ya pa 1 luna y mey tin e trahadonan wanta.
Sentencia
Pa otro siman lo tin un sentencia relaciona cu e mesun problema aki. Tin di nan a bay corte, entre otro nan mes. Nan ta pendiente pa e sentencia pa mira kico hues lo dicidi pa loke ta e decision.
