Polis a asisti personal di Biblioteca pa cliente cu problema mental

831
Coney Island
rbc mobile banking

Diabierna mainta trahadonan di Biblioteca Nacional den George Madurostraat tabata preocupa y hasta spanta pa motibo cu un persona straño a drenta e edificio. E tabata bisti no mucho bon y ademas di esey, e tabata actua masha straño. Esey ta e motibo cu e trahadonan a spanta.

Banco di Caribe

Mesora nan a tuma contacto cu Polis cu a manda un unidad na e sitio. Asina cu Polis a drenta Biblioteca Nacional, mesora e trahadonan para den un grupo a mustra cu dede unda e persona aki ta. Polis a cuminsa cana meymey di e reki di e bukinan y finalmente a bin topa cu e persona. Ta trata aki di un persona fam Geerman, conoci pa Polis pa tin problema mental. Esey ta e motibo tambe cu nan a spanta y nan no sa kico tabata su intencion y pesey a bati alarma.

Hoben a causa conmocion den Biblioteca Nacional

Posted by 24ora on Friday, January 12, 2018

Na momento cu el a mira polis, polis a cuminsa papia cun’e y a cuminsa papia masha hopi cos bruha, cu e ta haciendo un estudio, mester di buki, etc. Pero ya caba polis conoce su storianan, cu no ta klop y ta cosnan cu e ta papia totalmente un disparate. Polis a pidi’e pa bandona e sitio y bis’e pa bay warda, pasobra nan tin su paspoort warda eynan. Esey, ora cu nan ta canando bay pafo, hasta a duna indicacion cu pafo tin algo cu el a laga atras. A bin resulta cu tabata un boa grandi e tabata tin lora morto den un camisa, cual tambe segun e, ta un cos cu cacho a mata y e sa ta ken a mat’e, etc. Ta un cantidad di storia bruha e persona aki tabata splica na polis.

E persona aki tin un problema mental hopi pisa. Danki Dios cu e no ta agresivo y despues cu polis a mustr’e cu e tin cu tira e boa aki afo, el a tir’e y a cuminsa cana bay warda unda cu polis a bis’e cu nan lo top’e asina entrege su paspoort cu nan tin di dje warda.

E empleadonan di biblioteca a keda trankil, despues cu polis a saca e persona aki for di Biblioteca Nacional na Playa.

Comments

comments

Dragon Fly