Eleccion di Reina 2018 di EPB San Nicolas

Recientemente alumnonan y docentenan di EPB San Nicolas a celebra Carnaval unda a tene un eleccion di reina. Un total di 15 beyesa hubenil y grandi cuminsando di Startjaar te cu 4de klas a presenta na e bunita y colorido mainta aki. MC tabata den man di Tyson Croes mientras e animacion tabata den man di Dj y mas despues Mervin Baptiste alias Blacky cu porcierto tabata ex-alumno di dicho scol. E mainta sin duda a bay fenomenal mientras e huradonan tabata tin e tarea dificil di scohe e ganadornan. Como Reina Hubenil a keda corona Michella Henriquez mientras Reina Grandi a keda eligi Judienne Celaire.

EPB San Nicolas ta gradici tur persona y instancia cu a coopera cu e celebracion di carnaval di EPB. Un danki special na e patrosinadornan Digicel, Hakmar General Contractor, O Neil Caribbean, Setar, Esquire, Oss Management, Aruba Beach Club, Charlie’s Bar, Den Boef, Alankar, Aruba Vision Center, Loreal/Aruba Store, Sensei Sushi Bar y Balashi.