E situacion na Sint Maarten ta serio, cu articulonan di prome necesidad, awa y cuminda ta sumamente necesario. Door cu horcan Jose, tin un “window of opportunity” chikito caminda cu e unidadnan por wordo poni den marcha, pa asina e abastecimento por wordo completa.
Pesey awe nochi lo sali pa Sint Maarten for di e base militar na Eindhoven, un KDC-10 y un C-120 Hercules di Forsanan aereo Real pa asina transporta articulonan como tambe extra militar. Mas of menos un 100 personal di marina di e marine Spearhead Task Unit, hunto cu 8 genisten di Armada Real, lo yega St. Maarten.
E militarnan lo tey pa brinda ayudo y tambe haci tareanan di sosten. Tambe awa y cuminda lo wordo hiba, caminda cu 40 mil persona pa 5 dia por wordo abastece. Ta papia aki di un catastrofe gigante di infrastructura y e habitantenan no tin awa potabel. Tin un necesidad grandi na articulo di prome necesidad y extra sosten. Tambe e militarnan lo tey pa reestablece orden publico.
E avionnan lo bula pa Corsou. Debi na e da?a e aeropuerto di St. Maarten, e C-130 lo wordo uza pa asina transporta articulonan entre e areanan afecta y Corsou. E avion tactico aki di transporte ta ideal pa baha na luganan den condicionnan primitivo of den mal estado.
