Resientemente Minister di Ekonomia i Turismo sr.S.Martina a duna un presentashon
di e impakto negativo direkto ku e seramentu di frontera di Venezuela tin riba nos
ekonomia.
For dia 6 di yanüari resientemente, Venezuela unilateralmente a disidí sera tur komunikashon aéreo i marítimo ku Kòrsou.Presidente di Repúblika di Venezuela sr.Maduro a duna di konosé ku e seramentu di frontera no ta kontra di e pueblo di Kòrsou.Pero komo representante di pueblo mi ta konstatá ku seramentu di frontera aki si ta afektá pueblo direktamente dor di skarsedat di produkto i preisnan haltu di diferente produktonan di alimentashon. E seramentu di frontera aki a kondusí ku Minister di Fiansa sr.Gijsbertha i Minister di Hustisia sr.Girigorie mester a biaha pa Aruba 12 di yanüari ku karakter di urgensia pa duna algun splikashon na e delegashon di Venezuela kon na Kòrsou ta atendé via kanalnan ofisial pa loke ta trata importashon di oro i asina trata di remediá e situashon aki ku a presentá.Despues di e splikashon amplio i transparente di nos Minister nan na Aruba e delegashon di Venezuela ku a keda satisfecho di e manera ku aki na Kòrsou
kosnan ta kana i unda hasta elogio nos.
Despues di e deliberashonan aki na Aruba e delegashon di Venezuela a duna di konosé ku lo presentá e konklushon satifaktorio aki na Presidente Maduro i ku esaki lo a dura probablemente no mas ku un siman ku e seramentu di frontera lo keda revoká.
Lamentabel ta ku no opstante tur e esfuerso di nos parti Venezuela a keda tene nos
nan liña te ku ora Union Oropeo (Hulanda) a buta e sanshon riba shete Venezolano
dia 22 yanüari último i Venezuela usa esaki despues komo motibu pa mantené e
seramentu di frontera ku Kòrsou no opstante e palabrashonnan ku ta tin na Aruba 12
di yanüari.
Mirando e sifranan alarmante di e impakto ekonómiko ku e situashon aki tin riba nos
pueblo i ekonomia ta sumamente importante pa logra un impase den e relashon entre
Venezuela i Kòrsou. Teniendo kuenta ku e situashon aki i ku Minister di Asuntunan
General sr.Rhuggenaath su biahe pa Brussels Parlamentario sra Giselle Mc William a
hasi e siguiente preguntanan na Minister di Asuntunan General:
1.Kiko ta e último desaroyonan entre Kòrsou i Venezuela?
2.Kiko ta hasiendo konkretamente riba nivel di Reino ?
3.Kiko ta hasiendo konkretamente na nivel di gobièrnu
di Kòrsou pa atendé ku e problema aki?
4.Durante Minister su estadia na Brussels ta bai hasi uso di oportunidat pa papia mandatarionan Hulandes riba e impakto negativo ku e sanshon di Union Europeo tin riba Kòrsou unda Hulanda ta direktamente ta envolví den e sanshon aki?
5.Minister Rhuggenaath ta pidi Hulanda/Europa pa yuda Kòrsou ku kompensashon pa ku e daño ekonómiko i sosial ku e sanshon aki a trese pa Kòrsou
