Pisca ta hunga un papel principal den e proximo edicion di e fabuloso serie Culinari Secretes na Hadicurari Restaurant. Riba dia 29 y 30 di Juni, lo ta e chef invita Valente kende lo bay goberna e cushina y instrui e staff pa yega na e puntonan mas halto. E menu pa ambos anochi lo ta suculento. Djis les’e y lo bo sa kico nos kiermen.
E prome appetizer ta Haring (Hollandse Nieuwe) cu crispy focaccia, onion mousse y red beet foam, sigui pa un Bouillabaise cu seafood fresco. Red Snapper cu beurre blanc, un potato mousseline, cream of green peas y glassworth ta e entree. E fabuloso dinner ta conclui cu un dessert yama Pineapple and Spices: French toast di brioche, confit di pineapple cu star anise y citrus, cinnamon foam y ice cream traha eynan mes. Ow waw!
Asina ta no pensa dos biaha, haci bo reservacionnan na Hadicurari, ora bo tin algo pa celebra of djis pasobra bo gusta pisca y fine dinning na un bon restaurant cu un tremendo bista riba lama.
