E buki mas excitante di mundo

Biblioteca Nacional Aruba ta contento y orguyoso di por presenta e buki di Festival di Buki pa
Mucha. E buki ta na Papiamento y Hulandes y como tal ta carga como titluo ‘E buki mas excitante di mundo (Het spannendste boek van de wereld).

E conocido autor di buki pa  mucha Sjoerd Kuyper a skirbi e buki di festival 2017 di Aruba y esaki a keda ilustra pa artista visual y docente di arte, Stan Kuiperi. Traduccion tabata na encargo di sra. Evelyn Ruiz-Croes y redaccion di Jeroen Hoogerwerf. E buki a keda publica na Levendig Uitgever. Na biblioteca ta traha continuamente na promocion di lesamento y den cuadro di e meta principal aki ta organisa diferente evento durante aña. Un evento grandi ta e Festival di buki pa mucha. Pa e festival aki biblioteca ta stimula produccion di un buki nobo, specialmente pa e muchanan di scol. Esaki cu storia den cuadro di e tema di e festival. Pa percura cu mas tanto mucha por gosa y lesa e buki ta trece un publicacion na dos idioma, Hulandes y Papiamento.

Hopi biaha un colaboracion artistico entre autor y artista di Hulanda y Aruba. A laga print 2000 ehemplar pa por distribui esaki na cada skina di nos isla. E produccion di ‘E buki mas excitante di mundo’ a keda realisa cu cooperacion di Bruna Aruba, Century Group, De Wit & Van Dorp Stores, Kiwanis Club of Palm Beach, Plaza Bookshop, Quota Club y RBC Royal Bank. E autor Sjoerd Kuyper a ricibi un subsidio for di Nederlands Letterenfonds pa por a traha riba e storianan. ISBN 978 94 917 4051 0 E buki ta obtenibel pronto na libreria. Cu compra di 25 florin e cliente ta haya e buki aki gratis.