Green Corridor ta den su fase final, pero ainda bo no ta sinti e efecto cu e mester trece pa alivia fluho di trafico. Ainda tin cos cu tin cu sosode. Hasta e brug su caminda no ta habri.
Marlon Croes, director di DOW ta splica cu Green Corridor ta den su fase final. Tin algun paar di trabao cu tin cu wordo caba ainda. Djis pa haya un ehempel awor aki, entre aeropuerto pa e rotonde di Mahuma, e caminda existente, e bieu, parti pazuid, ta tirando tuberianan bao di dje y despues cu caba cu esaki, nan tin cu bay vrees esaki y pone un capa di asfalt nobo riba dje. E parti nobo, banda nort, ta den funcion y ora cu nan caba cu e parti bieu, e ora eynan por relocate pone pazuid. Tur tin di haber cu e conexion cu tin cu wordo haci riba e spiraalrontode dilanti di aeropuerto.
Tin trabaonan cu tin cu wordo haci ainda, cu den e dianan aki cu lo bay ta rekeri cierto cambio den fluho di trafico, pa por haci e conexion riba e spiraalrotonde dilanti aeropuerto.
Bayendo ariba, for di Mahuma direccion Sero Tijshi, awor aki ta coriendo riba caminda bieu, cual tey, e ta asfalta caba. E ora ey na momento cu nan caba cu parti pabao di Mahuma, e ora por habri esaki completo tambe.
Bay direccion Sero Tijshi pa direccion di Kibaima, Drive Inn, esey ta nifica cu ta na e parti bieu, cual ta wordo traha riba dje, cual tin cu caba ainda, pa por habri’e completo. E ora ta tie in riba e rotonde di Drive Inn, cual ta haci caba.
Despues tin e trabao di mas grandi, cual ta esun di e brug nobo. E brug nobo ta fisicamente cla. E no ta habri pa trafico ainda pasobra tin trabaonan civil cu tin cu wordo caba pa por garantisa e siguridad di trafico, esta afwerkingen, manera ponemento di borchi di trafico, e ponemento di wegmarkering cu ta guia e automobilista, con bo ta bay acerca e brug, pa por garantisa e siguridad di trafico. Iluminacion ta buta for di Pos Chikito bin abao, bay pa Kibaima. Pero a discubri cu tin algun luz no ta cende cu tin cu wordo soluciona. Tur esakinan ta cosnan chikito cu tin cu wordo acaba pa por bisa cu e por garantisa e siguridad den trafico awor aki, cu por habri e brug por completo.
Na momento cu habri e brug, e 4lane lo bay drenta den funcion di biaha. Ora cu bo ta bin di Pos Chikito, bin abao, bo ta core riba e caminda nobo y si bo ta bin di Playa, bo ta pasa e caminda bieu cu a wordo renoba den e pida nobo, subi e brug, despues ta subi e caminda principal bieu pa yega bo sigui bay ariba. E 4lane lo bay traha, e ora bo lo wak e beneficionan cu bo tin for di e rotonde di Pos Chikito, bay direccion di aeropuerto. E ruta di Pos Chikito bay ariba, tin e ruta di pazuid cu ta pasa banda di e tuberianan canto di lama, cu ta sali te cu na Marinierskazerne, cual asfalt ta cla. Tin cu pone wegmarkering y borchi. E parti di Yara, Sero Alejandro, Rooi Koochi, Mabon, Brazil y Weg Sero Blanco, tambe ta cla, qua fisicamente di asfalt, pero e falta wegmarkering pa caba y ponemento di borchi cu ta duna un solucion, un via alterntaivo.
Comunidad ta responde basta positivo riba e rutanan aki, vooral esunnan banda pazuid, cu ta coy patras di La Granja y ta sali te cu Marinierskazerne, cual ta un ruta atractivo. Y ta wordo hopi mas uza awor aki. E ruta banda panort tambe ta wordo mas uza awor aki y e trabaonan ta andando pa aba cu e hoofdwegmes.
Ki dia lo ta cla
E brug ta purba di habri’e pa e siman aki ainda. E ora eynan por wak tur e trabaonan wordo finalisa pa por habri e 4lane completo te cu aeropuerto, segun Croes.
