E hoben talentoso Arubiano, Stefan Bartels Daal conoci como “STEVE ANDREAS” a lansa un tema musical y CHUCKIE ta su socio riba Spinnin’ Records, un plataforma internacional.
E nomber di e cancion ta “Latino” y ya a lanse te cu por scuche y ta via media radial y digital reconoci rond mundo. Diferente DJ renombra tanto riba nivel nacional como tambe internacional ta tocando y sostene “Latino”. DJ nan manera David Guetta, Hardwell, Sunnery James; Ryan Marciano, Kriss Kross y mucho mas!
Chuckie a marca su nomber cu e hit mundialmente “Let the base Kick”, cu a pone den e DJ Mag Top 100. Actualmente Chuckie ta toca na varios club y festival conoci rond mundo. E cancion ta parti di e cartelera musical den varios radio shows rond di mundo manera Merca, Europa, Sur America y mas…E cancion “Latino” ta energetico cu un melodia hopi pegahoso. Por a tuma nota cu na un festival grandi
manera Ultra Miami ya caba Hardwell a inclui e cancion “latino” di Steve Andreas y Chuckie riba su playlist tocando esaki dilanti miles di persona y e recepcion y reaccion di e publico tabata inmensamente positivo.
Tambe por sigui Steve Andreas riba su pagina nan di social media, y asina bo tambe por disfruta y ta testigo di e momento emocionante ora cu Hardwell tabata toca e cancion den LIV Miami, un club sumamente conoci den Fontaineblue Hotel cu ta atrae celebrities y VIP’s. Pa esun nan cu no ta na altura of no conoce,…Hardwell tabata #1 DJ na mundo den e temporada di aña 2013 y 2014.
Actualmente Hardwell ta number #4 na mundo. “Latino” e cancion nobo di Steve Andreas y Chuckie, a wordo lansa riba e plataforma “Spinnin’ Records” un plataforma cu ta conoci como e plataforma mas grandi mundial mente pa loke ta House music. Por conclui cu casi tur DJ reconoci mundialmente a traha cu e label aki, Dj nan y tambe Producers manera Martin Garrix, Afrojack, Dimitry Vegas & Like Mike, Maarten Vorwerk, Oliver Heldens y mucho mas! Steve Andreas ta e prome Arubiano cu ta logra di lansa un tema musical riba Spinnin’ Records.
“Latino” a ranca sali recientemente dia 9 di July y ta disponibel riba tur plataforma di streaming mane Spotify, Deezer, Youtube Shazam, i-Tunes y mas. Den futuro ya tin un otro colaboracion cu e duo “Afrobros” cual hunto cu Jeon ta responsabel tras di e Hit Internacional “X (Equis) di Nicky Jam cu J. Balvin.
“Music is Life”
