Tin un problema na Aruba cu ta e overtoligheidspoule. Eynan tambe DRH por baha su gastonan drasticamente. Omaira Lares, directora di DRH, a splica cu e ultimo conteo di e overtoligheidspoule tabata 65.
Den dje claro cu tin algun cu no por ubica, pasobra ta hendenan cu salarionan hopi halto. Tin mas of menos 20 hende cu ta ex director. Ta un conseho apart, segun Lares.
Poco poco DRH a yega na un vacaturebank cu ta hopi mas preciso unda e vacaturanan ta. Siman pasa diabierna tabata tin un combersacion cu prome minister cu a bin cu algun propuesta con pa bay atende cu esnan non-actief. Por ehempel un di nan cu ta spera pa e ultimo siman di Augustus cu por draai’e, ta un job-fair pa esnan cu ta non-actief. Esnan cu no ta trahando mester haya preferencia di e funcionnan cu ta habri awor aki y tambe guia nan den keda na trabao.
Hopi biaha cu bo ta pone hende na trabao, nan no kier sigui traha, e ora nan ta bay bek non-actief. Hopi biaha tambe sin consecuencia cu por kita nan for di trabao tambe, pasobra ta nenga di traha. Eseynan ta e puntonan cu awor ta purba di ta mas proactivo y mas severo pa loke ta e non-activonan cu tin awor aki.
DRH ta riba nan caso
DRH ta na altura cu tin di esnan cu ta non-actief ta traha otro caminda, of no ta haciendo nada. No tin un manera te ainda cu por pak nan aan riba esakinan. Ta cosnan cu bo tin cu atende prome cu maneho. Ata bo bay pone un hende cu ta trahando na un compania of hotel y bo ta bay hues cu nan pa bisa cu nan ta trahando. E ora hues ta bisa bon cla cu no a dun’e trabao, el a bay busca un otro trabao y pa keda activo e ta keda sigui traha. Hopi di nan tin nan mesun negoshi pa hiba cuminda, haci casnan limpi. Poco poco DRH ta yegando na informacionnan, no solamente via nan contactonan, pero tambe via ayudo cu otro departamentonan. A base di esey ta bay bin cu un plan di maneho pa atende cu e personanan aki, cu Lares ta sigur cu por traha y ta sigur cu algun lo kier traha tambe.
