Loskoppeling ta canando y ta duna un tiki mas espacio pa Douane por duna tambe kisas tin biaha loke e douanero ta busca den mehoracion di trabao. E parti financiero awor aki entretanto a wordo regla segun Ricky Croes hefe di Douane.
Kisas ainda tin cu bin otro partinan. E ultimo reorganisacion cu Douane tabata tin tabata na 1994. E tempo ey a bin door di e cambionan den situacion den Douane. Trabaonan cu tin cu wordo haci. Mientras tanto awor aki tambe e structura a cuminsa cambia. Den e trabao di Douane, ta haya cu enfasis a cuminsa wordo poni riba otro parti. Por ehempel un oficina na San Nicolas, ta obsoleto. Ta haya cu e trabaonan di Freezone a bira asina poco, cu Douane no tin un oficina na Freezone mas. Asina cu e trabao a cuminsa shift di un parti pa otro.
Tin otro seccionnan cu tin cu wordo lanta den Douane. Tambe ta haya cu por ehempel door di e loskoppeling, Douane no tabata tin un backoffice. Esey tambe tin cu wordo aangevuld. No tin un formatiehuis pa Douane asina ey. E ta bon pa por cuminsa traha riba esey y forma algo cu Douane por bisa cu tin tur cos regla pa ley.
Cambionan
Cambionan ta canando. Douane ta modernisando basta. Idea ta pa bay traha bon moderno tambe, teniendo cuenta cu standardnan internacional, siguiendo pensamentonan cu tin den organisacionnan internacional. Aruba ta un pais chikito, pero si no ta nifica cu tin cu keda atras. Douane a keda traha un sistema y ta yega e momento cu, mirando e importacion ta subi na Aruba y ta keda traha cu e mesun tanto Douaneronan y no por keda traha na un manera anticua. Mester improvisa y traha na un manera mas eficiente. Den e sentido cu mas control ta bin cu menos hende. Por logra mas cu menos hende. E Asicuda tabata algo cu a bay bon. Tur cos a wordo haci online, inklaring di barconan, prome cu carga baha for di barco, por haci aangifte, di modo cu e carga por sali. A pone un riskmanagement team cu ta bay analisa e risiconan cu e carganan , barco of mercancianan cu por tin, pa tanto fiscal como non-fiscal, asina ey por saca afo cua ta esunnan cu tin cu wordo bon controla. Tambe cu tabata tin e EPPA, caminda cu nan ta paga online. Esey ta pone cu no mester bay te na Douane paga, bin cu recibo, etc. siendo djis haci’e online. E sistema mes na Douane ta pickup e pago, match’e, di modo cu tur cos ta bay hopi mas lihe. Ta pidi e banconan pa coopera tambe pa haci e parti aki mas lihe. Di un otro banda ta haya cu a cuminsa cu un VCP. Ta cuminsa pone e responsabilidad den man di e comerciantenan mes.
E comerciantenan ta esnan cu tin cu percura pa e trabao ta bon haci y mas lihe y miho nan haci’e, miho informacion nan entrega na Douane, mas lihe nan ta haya nan carga, mas lihe economia ta draai, mas lihe comercio por cuminsa traha.
Awor aki ta cuminsando tambe cu un otro proyecto cu ta Postbus vrijmaking. Antes ta haya tur comerciante ta manda un hende busca douaneronan. Awo e ta bay via e caminda electronico. Nan ta manda un mail. E ta wordo assess. Ta traha un cita. E douaneronan mes ta bay y ta haci e trabao, y bin bek. Di manera cu douaneronan ta haya mas tempo pa move di un luga pa otro y haci trabao den miho manera.
Brokers
A traha un pilot pa algun tempo y a sigui cun’e. Awo desde ayera a introduci’e, pero a haya problema cu coriente awe mainta, cu awe cual ta e di dos dia, e servernan a lanta plat. Nan a bay riba un di dos plan, cual ta manual. Mientras tanto e servernan a lanta bek y a sigui cu e curso normal. Antes e tabata yena cu brokers pa bin busca douane. Awor aki e ta hopi menos, pasobra ainda nan tin cu custuma. Cada proyecto, cada cos nobo cu bin, tin su kinderziektes. Esaki no ta otro, segun Ricky Croes.
