Dos Venezolano y un local deteni den atraco Little Europe

E team di Atraco Team a logra haci un investigacion basta pisa y cu ayudo di e comunidad a logra tambe pone man riba un cantidad di sospechoso relaciona cu e atraco riba Little Europe. A envolvi diferente departamento den e caso aki. A pone man riba dos Venezolano y un persona local. Nan a horta e pickup A-3533 diasabra merdia banda di Lucky Store y djey tira e atraco riba Little Europe. A bay cu basta joyas. E potretnan manda rond y pa pueblo yuda a duna su fruto. Asina a logra pone man riba e dos venezolanonan y un local. A confisca auto tambe. Esnan cu tabata den cercania di Cactus Apartments na Tanki Flip hasta a scucha tiro cay. Tin un di e sospechosonan cu tabata tin sla tambe na curpa. Nan no a spera cu autoridad lo yega asina rapido cerca nan. E otro adres bishita tabata na un cas na Sjabururi den Santa Cruz. Eynan tambe a haci detencion. Den ambos adres a confisca auto y tambe a confisca pertenencianan unda a drenta. Sigur un tremendo trabou di Atraco Team. Tambe a usa personal di CEA pa encarga nan mes cu e transporte di esnan deteni.