Algo prome cu 8or di anochi diaranzon a tuma lugar un atraco arma. Un señora a bati alarma pasobra el a bira victima di atraco. Polis a wordo notifica y a bay na e adres. Despues e señora a wordo hiba na warda di Playa tambe pa haya asistencia. E señora cu ta biba den Blauwesteegstraat a conta Polis cu e tabata na cas y dos hoben cu arma di candela den man a drenta. A menaza e señora y a logra bay cu su celular. Despues di trece nan warda a notifica Atraco Team cu a presenta na warda y atende cu e victima. No ta conoci unda precies nan a core bay despues di e atraco. Polis ta haya e asunto aki serio pasobra ambos atracador tabata tin arma di candela den man. A base di declaracion lo haci investigacion y finalmente trata na pone man riba ambos atracador.
