Na Madiki tabata tin agresion cu biga y menaza cu bloki diaranzon merdia. Problema di menor a pone adultonan tambe cay aden. Expresionan sin respet a pone cu e poblema entre algun hoben ta continua cu aprobacion di adultonan tambe.
Polis a yega purba na Madiki. Eynan a topa cu un menor di 15 cu a haya biga den boca. Net el a yega di scol y un mama den auto cu su yiu y otro damita a pasa insultanan.
Eynan e tiramento di palabra a bin. Esnan den e auto a baha y bay bringa cu esnan na Madiki. Un mucha homber na Madiki a duna un man na e damita di 15 aña. Asina mes biga y bloki na Madiki a wordo usa y despues laga atras. Polis a tuma declaracion.
Djey cu yudanza di un testigo Polis a bay na e adres na Pitastraat. Eynan a topa cu e otro partido. A haya tur tres. E dos muhernan uno e mama y e mucha muher menor a wordo atendi. Nan a conta cu na scol caba tabata tin tiramento di Palabra dor di esnan na Madiki. E problema ta andando basta temp. Maestra di scol tambe ta na altura.
A bisanan caba cu na scol no ta bringa. Mirando e expresion considera ofensivo diaranzon despues di scol, e mama a bay na Madiki cu e muchanan unda cos a bay for di man. Mirando e agresion cu biga y tambe bloki, a detene ambos persona femenino na Pitastraat. Parce cu esnan di Pitastraat tin keho entrega caba anteriormente pa e problema andando contra esnan di Madiki. Esnan di Madiki tambe a yega di menaza. E problema a bin pa esnan den Pitastraat pasobra nan a bay na e adres na Madiki causa problema usando arma y agredi hende.
